13:05  AMT,  16 փետրվարի, 2017

«Ռեալի» ու Ռոնալդուի ռեկորդները

Մադրիդի «Ռեալի» պորտուգալացի հարձակվող Կրիշտիանու Ռոնալդուն, իտալական «Նապոլիի» դեմ Չեմպիոնների լիգայի 1/8 եզրափակիչի առաջին խաղում օգնելով գոլ խփել գերմանացի Տոնի Կրոսին, 31-րդ գոլային փոխանցումն է կատարել այս մրցաշարում՝ սահմանելով ռեկորդ, հայտնում է Statbunker-ը:

Ռոնալդուն դարձել է Չեմպիոնների լիգայում ամենաշատ գոլային փոխանցում կատարած ֆուտբոլիստը՝ շրջանցելով «Մանչեսթեր Յունայթեդի» լեգենդար կիսապաշտպան Ռայան Գիգզին, որը կատարել է 30 փոխանցում: Այդ ցուցանիշով երրորդ տեղում է «Բարսելոնայի» արգենտինացի հարձակվող Լիոնել Մեսին՝ 24 փոխանցում:

Արքայական ակումբն էլ կրկնել է սեփական ռեկորդը՝ բոլոր մրցաշարերում գոլ խփելով 41-րդ խաղում անընդմեջ: Նախորդ անգամ «Ռեալը» գոլ խփել չի կարողացել «Մանչեսթեր Սիթիի» դեմ 2016-ի ապրիլի 26-ին կայացած Չեմպիոնների լիգայի արտագնա խաղում, որն ավարտվել էր 0:0 հաշվով:

Հիշեցնենք, որ Արքայական ակումբը հաղթել էր 3:1 հաշվով: «Ռեալի» ու «Նապոլիի» միջեւ պատասխան հանդիպումը կկայանա մարտի 7-ին Նեապոլում:

NEWS.am Sport


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Loading...
  • Հարցում
Ո՞ր ակումբի երկրպագուն եք
«Բարսելոնա»
«Ռեալ»
«Մանչեսթեր Յունայթեդ»
«Չելսի»
«Բորուսիա Դորտմունդ»
«Բավարիա»
«Յուվենտուս»
Այլ ակումբ
  • Ֆեյսբուք
  • Վիճակագրություն
  • Արխիվ
Loading...