«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը պատմել է, թե ինչպես է ստացել Միկի մականունը:
«Երբ ես տեղափոխվեցի Դորտմունդի «Բորուսիա», Յուրգեն Կլոպին ինձ ասաց, որ իմ ազգանունը չափազանց երկար է, անունը՝ նույնպես: Նա առաջարկեց ինձ անվանել Միկի, իսկ ես ասացի, որ խնդիր չեմ տեսնում: Այդ օրվանից ինձ անվանում են Միկի»,- ասել է Մխիթրայանը BBC-ի հետ հարցազրույցում:
28-ամյա ֆուտբոլիստը նաեւ պատմել է, որ իր մանկության ֆուտբոլային կուռքը եղել է Զինեդին Զիդանը, որն այժմ գլխավորում է Մադրիդի «Ռեալը»:
«Ես սիրահարված էի Զիդանի խաղին: Երբ դիտում էի ֆուտբոլ, դիտում էի միայն Զիդանի խաղերը»,- ասել է Մխիթարյանը:
Հետևեք NEWS.am SPORT-ին Facebook-ում, Twitter և Telegram-ում