18:44  AMT,  28 հունվարի, 2017

Արմեն Նազարյան. Յուրաքանչյուր հայ տղա պետք է ծառայի բանակում (ֆոտո)

Հունահռոմեական ոճի ըմբշամարտի կրկնակի օլիմպիական չեմպիոն Արմեն Նազարյանը NEWS.am Sport-ի թղթակցի հետ զրույցում շնորհավորել է Հայոց բանակի 25-րդ տարեդարձի կապակցությամբ եւ հիշել իր ծառայության տարիները:

«Ծառայել եմ 1994-1996 թվականներին Երեւանի մարզական վաշտում: Շատ լավ ծառայություն եմ ունեցել, ունեմ հետաքրքիր հիշողություններ, լավ ընկերներ: Հիշում եմ, որ մեր ծառայության ընթացքում օրվա ընթացքում միայն 30 րոպե էինք լույս ունենում: Եվ պետք է ամեն բան հասցնեինք այդ 30 րոպեի ընթացքում: Շատ սպորտային է եղել ծառայությունս: Ծառայության ընթացքում մասնակցել եմ բանակայինների աշխարհի խաղերին եւ դարձել չեմպիոն: Եղել եմ Վազգեն Սարգսյանի եւ Աստվածատուր (Ալիկ) Պետրոսյանի զինվորը:

Յուրաքանչյուր հայ տղա պետք է ծառայի: Զինվորական ծառայությունը տղամարդու համար է: Շնորհավորում եմ մեր բանակին 25-ամյակի կապակցությամբ: Մենք հզոր բանակ ունենք, բայց, եթե կռիվ լինի, բոլորս էլ պատրաստ ենք միասնական գնալ եւ պաշտպանել մեր սահմանները»,- նշեց անկախ Հայաստանի պատմության առաջին օլիմպիական չեմպիոնը:

Հիշեցնենք, որ հունվարի 28-ը Հայկական բանակի օրն է:

Լուսինե Շահբազյան

NEWS.am Sport


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Loading...
  • Հարցում
Ո՞ր ակումբի երկրպագուն եք
«Բարսելոնա»
«Ռեալ»
«Մանչեսթեր Յունայթեդ»
«Չելսի»
«Բորուսիա Դորտմունդ»
«Բավարիա»
«Յուվենտուս»
Այլ ակումբ
  • Ֆեյսբուք
  • Վիճակագրություն
  • Արխիվ
Loading...