01:36  ,  27 հունվարի, 2017

«Մանչեսթեր Յունայթեդը» պարտվեց, բայց եզրափակիչում է

«Մանչեսթեր Յունայթեդը» նվաճեց Անգլիական լիգայի գավաթի խաղարկության եզրափակիչի ուղեգիր: «Հալ Սիթիի» դեմ կիսաեզրափակիչի պատասխան խաղում «Մանչեսթեր Յունայթեդը» պարտվեց 1:2 հաշվով, սակայն շարունակում է պայքարն առաջին խաղում 2:0 հաշվով տարած հաղթանակի շնորհիվ: Հայաստանի հավաքականի կիսապաշտպան Հենրիխ Մխիթարյանը պատասխան խաղում պահեստայինների թվում էր:

«Հալ Սիթին» 42 տարի չէր հաղթել «Մանչեսթեր Յունայթեդին» պաշտոնական հանդիպումներում:

Փետրվարի 26-ին Լոնդոնի «Ուեմբլի» ստադիոնում կայանալիք եզրափակիչում «Մանչեսթեր Յունայթեդը» կմրցի «Սաուհեմփթոնի» հետ, որը պայքարից դուրս էր թողել «Լիվերպուլին»:

Հունվարի 26-ին «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն դարձավ 54 տարեկան:

Անգլիական լիգայի գավաթ, կիսաեզրափակիչ, պատասխան հանդիպում

«Հալ Սիթի» - «Մանչեսթեր Յունայթեդ»՝ 2:1 (առաջին հանդիպում՝ 0:2)

Թոմ Հադլսթոուն, 35, 11մ, Բայե Ումար Նիասե, 85 - Պոլ Պոգբա, 66

Հետևեք NEWS.am SPORT-ին Facebook-ում, Twitter և Telegram-ում