«Մանչեսթեր Սիթին» ու Լոնդոնի «Տոտենհեմը» մարտական ոչ ոքիով բաժանվեցին ֆուտբոլի Անգլիայի առաջնության 22-րդ տուրում: Մանչեսթերյան խաղն ավարտվեց 2:2 հաշվով:
Առաջին խաղակեսում գոլեր չգրանցվեցին: Երկրորդ խաղակեսի սկզբնամասում «Տոտենհեմի» ֆրանսիացի դարպասապահ Ուգո Լյորիսը թույլ տվեց 2 կոպիտ սխալ, իսկ մանչեսթերցիները ստացան 2 գոլի առավելություն, որը պահպանել չհաջողվեց: Հյուրերը շատ արագ կրճատեցին հաշիվը, իսկ վերջնամասում նաեւ խուսափեցին պարտությունից:
«Տոտենհեմը» 46 միավորով երկրորդ տեղում է եւ 6 միավոր հետ է առաջատար «Չելսիից», որը մեկ խաղ էլ պակաս է անցկացրել: Խոսեպ Գվարդիոլայի թիմը 43 միավորով 5-րդն է:
Անգլիայի առաջնություն, 22-րդ տուր
«Մանչեսթեր Սիթի» - «Տոտենհեմ»՝ 2:2
Լերոյ Սանե, 49, Կեւին դե Բրույնե, 52 – Դելե Ալի, 58, Սոն Հյոն Մին, 77
Հետևեք NEWS.am SPORT-ին Facebook-ում, Twitter և Telegram-ում