Հայաստանը մնաց առանց մասնակիցների Երեւանի «Օրանժ թենիս» ակումբում անցկացվող «Ameria Cup» մրցաշարում։ Զուգախաղի քառորդ եզրափակիչում Խաչատուր Խաչատրյանն ու Տիգրան Մարտիրոսյանը 2։6, 2։6 հաշվով պարտվեցին Անդրել Ցիմուկ (Ռումինիա) - Օլեքսանդր Նեդովեսով (Ուկրաինա) զույգին։
Մենախաղում երեւանյան երկրորդ տիտղոսին է մոտենում բելգիացի Արթուր դե Գրիֆը, որը երկրորդ շրջանում 3:6, 7:6,7:5 հաշվով հաղթեց չեխ Յան Բլեխին։ Դե Գրիֆը հուլիսի 8-ին ավարտված «Ucom Cup» մրցաշարի հաղթողն է։
«Ameria Cup»-ը եւս «futures» դասի է եւ մրցանակային հիմնադրամը 15 հազար դոլար է։
Հետևեք NEWS.am SPORT-ին Facebook-ում, Twitter և Telegram-ում