Պրոֆեսիոնալ բռնցքամարտի կիսամիջին քաշային կարգում WBA վարկածով աշխարհի չեմպիոն, ռուսաստանցի Դավիթ Ավանեսյանը կմենամարտի ամերիկացի Լամոնտ Պիտերսոնի հետ, որը WBA եւ IBF վարկածներով աշխարհի նախկին չեմպիոն է առաջին կիսամիջին քաշային կարգում:
«Ավանեսյանը տիտղոսը կպաշտպանի Պիտերսոնի դեմ մենամարտում: Բանակցությունները մոտենում են ավարտին»,- tass-ին ասել է WBA-ի ներկայացուցիչը:
Կարիերայի ընթավքում Պիտերսոնը հաղթանակ է տարել նաեւ հռչակավոր բրիտանացի Ամիր Խանի նկատմամբ: Նա ունի 34 հաղթանակ, դրանիցից 17-ը նոկաուտով: Երեք պարտություն է կրել, մեկ մենամարտ ավարտել է ոչ ոքի:
Նախորդ մենամարտում հայտնի ամերիկացի Շեյլ Մոզլիին հաղթած Ավանեսյանը կարիերայի ընթացքում տարել է 22 հաղթանակը (11 նոկաուտ), կրել է մեկ պարտություն, մեկ անգամ էլ գրանցել է ոչ ոքի:
Հետևեք NEWS.am SPORT-ին Facebook-ում, Twitter և Telegram-ում