Գերմանական Բունդեսլիգայի 14-րդ տուրում առաջատար «Լայպցիգը» հյուրընկալվելիս նվազագույն հաշվով պարտվեց «Ինգոլշտադտին», որն այս հաղթանակի շնորհիվ բարձրացավ նախավերջին տեղ: Բունդեսլիգայի նորեկն առաջին պարտությունը կրեց ընթացիկ առաջնությունում:
«Լայպցիգի» պարտությունից օգտվեց երկրորդ տեղում գտնվող Մյունխենի «Բավարիան», որը տանը 5 անպատասխան գնդակ ուղարկեց «Վոլֆսբուրգի» դարպասը եւ 33 միավորով հավասարվեց առաջատարին:
Դորտմունդի «Բորուսիան» 1:1 հաշվով ավարտեց «Քյոլնի» դեմ արտագնա խաղը՝ Մարկո Ռոյսի գոլի շնորհիվ պարտությունից խուսափելով վերջնամասում: «Բորուսիան» 25 միավորով 6-րդ տեղում է:
Գերմանիայի առաջնություն, 14-րդ տուր
«Բավարիա» - «Վոլֆսբուրգ»՝ 5:0
Արյեն Ռոբեն, 18, Ռոբերտ Լեւանդովսկի, 22, 58, Թոմաս Մյուլեր, 76, Դուգլաս Կոստա, 86
«Ինգոլշտադտ» - «Լայպցիգ»՝ 1:0
Ռոջեր, 12
Հեռացում՝ Մեթյու Լեկի, 90+4 («Ինգոլշտադտ»)
«Քյոլն» - «Բորուսիա Դ».՝ 1:1
Արտյոմ Ռուդնեւ, 28 – Մարկո Ռոյս, 90
Հեռացում՝ Սալիհ Օզկան, 90+4 («Քյոլն»)
Հետևեք NEWS.am SPORT-ին Facebook-ում, Twitter և Telegram-ում