«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը Եվրոպայի լիգայի խմբային մրցաշարի վերջին տուրում ուկրաինական «Զարյայի» դարպասը խփած գոլի շնորհիվ դարձել է բրիտանական հայտնի պարբերականների դեկտեմբերի 9-ի համարների գլխավոր հերոսը։
Հիշեցնենք, որ Օդեսայում կայացած խաղում պորտուգալացի Ժոզե Մոուրինյոյի գլխավորած թիմը հաղթել է 2։0 հաշվով, մեկնարկային կազմում հանդես եկած Մխիթարյանը բացել է հաշիվը։ Նա փոխարինվել է 85-րդ րոպեին։
«Մանչեսթեր Յունայթեդի» պաշտոնական թվիթերյան էջի քվեարկությամբ, հայ ֆուտբոլիստը ճանաչվել է հանդիպման լավագույն խաղացող։
Մխիթարյանն ընդգրկվել է Եվրոպայի լիգայի 6-րդ տուրի լավագույն ֆուտբոլիստի կոչման 8 հավակնորդների թվում։ ՈւԵՖԱ-ի կայքում անցկացված քվեարկությամբ, Մխիթարյանը ճանաչվել է երկրորդը։
Հետևեք NEWS.am SPORT-ին Facebook-ում, Twitter և Telegram-ում