Ֆուտբոլի Եվրոպայի լիգայի խմբային մրցաշարի վերջին տուրում անգլիական «Մանչեսթեր Յունայթեդը» Օդեսայում 2:0 հաշվով առավելության հասավ ուկրաինական «Զարյայի» նկատմամբ եւ նվաճեց փլեյ-օֆֆի ուղեգիր: Պորտուգալացի Ժոզե Մոուրինյոյի գլխավորած թիմի առաջին գոլը խփեց Հայաստանի հավաքականի կիսապաշտպան Հենրիխ Մխիթարյանը, որը առաջին անգամ աչքի ընկավ «Մանչեսթեր Յունայթեդի» պաշտոնական հանդիպումներում: Հայ ֆուտբոլիստը մեկնարկային կազմում էր եւ փոխարինվեց 85-րդ րոպեին:
88-րդ րոպեին ֆրանսիացի կիսապաշտպան Պոլ Պոգբայի փոխանցումից հետո հաշիվը կրկնապատկեց շվեդ հարձակվող Զլատան Իբրահիմովիչը:
A խմբում «Մանչեսթեր Յունայթեդը» 12 միավորով գրավեց երկրորդ տեղը՝ 1 միավոր հետ մնալով թուրքական «Ֆեներբահչեից», որը վերջին տուրում 1:0 հաշվով հաղթեց հոլանդական «Ֆեյենորդին»:
Եվրոպայի լիգա, A խումբ, 6-րդ տուր
«Զարյա» (Ուկրաինա) - «Մանչեսթեր Յունայթեդ» (Անգլիա)՝ 0:2
Հենրիխ Մխիթարյան, 48, Զլատան Իբրահիմովիչ, 88
«Ֆեյենորդ» (Հոլանդիա) - «Ֆեներբահչե» (Թուրքիա)՝ 0:1
Մուսա Սո, 22
A խմբի մրցաշարային դրությունը. «Ֆեներբահչե»՝ 13 միավոր, «Մանչեսթեր Յունայթեդ»՝ 12, «Ֆեյենորդ»՝ 7, «Զարյա»՝ 2:
Հետևեք NEWS.am SPORT-ին Facebook-ում, Twitter և Telegram-ում