Անդրես Ինյեստա. «Բարսելոնան» անկայուն է Պրիմերայում, պետք է շտկել դրությունը

«Բարսելոնան» անկայուն է Պրիմերայում, պետք է շտկել դրությունը, ասել է կատալոնական ակումբի իսպանացի կիսապաշտպան Անդրես Ինյեստան։ Ֆուտբոլիստը նաեւ չի ընդունում կարծիքը, որ իր բացակայությամբ թիմը ավելի վատ է խաղում։

«Չեմ կարծում, որ «Բարսելոնան» առանց ինձ խաղում է այլ ոճով։ Մյոնխենգլադբախի «Բորուսիայի» հետ խաղը մարզական նշանակություն չուներ մեր թիմի համար, բայց մենք ցուցադրեցինք լավ խաղ։ Եթե հանդիպումը ինտենսիվ չի լինում, դառնում է ձանձրալի։

Ես եւ Դենիս Սուարեսն ունենք նմանություններ եւ տարբերություններ։ Մենք տարբեր տարիքի ենք, փորձի տարբերությունը մեծ է, մեզ համեմատելը ճիշտ չէ։

«Բարսելոնան» դեռ կարող է շտկել իր դրությունը Իսպանիայի ընթացիկ առաջնությունում։ Ես հավատում եմ, որ կարող ենք»,- Ինյեստայի խոսքը մեջբերում է Marca-ն։

Իսպանիայի առաջնության 14 տուրից հետո «Բարսելոնան» 28 միավորով երկրորդ տեղում է եւ 6 միավոր հետ է «Ռեալից»։

Հետևեք NEWS.am SPORT-ին Facebook-ում, Twitter և Telegram-ում