«Լիոնի» դարպասապահ Անտոնի Լոպեշի մոտ ախտորոշվել է հետվնասվածքային լսողության կորուստ:
«Մեցի» դեմ Ֆրանսիայի առաջնության 16-րդ տուրի արտագնա խաղում պորտուգալացի դարպասապահը տուժել էր դաշտի տերերի ֆանատների նետած ճայտրուկից: Դրանից հետո Լոպեշը տեղափոխվել էր հիվանդանոց: Նրա լսողությանը վտանգ չի սպառնում, սակայն դարպասապահը պետք է անցնի երկշաբաթյա բուժման կուրս, գրում է France Football-ը:
Հիշեցնենք, որ այդ միջադեպից հետո «Լիոնի» ֆուտբոլիստները լքել էին խաղադաշտը, իսկ հանդիպումը չէր շարունակվել: Ֆրանսիայի առաջնության կարգապահական կոմիտեն հետաքննություն է սկսել միջադեպի վերաբերյալ:
Հետևեք NEWS.am SPORT-ին Facebook-ում, Twitter և Telegram-ում