Ֆուտբոլի Հայաստանի հավաքականի կիսապաշտպան Հենրիխ Մխիթարյանը «Մանչեսթեր Յունայթեդի» կազմում հայտավորվել է թուրքական «Ֆեներբահչեի» դեմ Եվրոպայի լիգայի խմբային փուլի չորրորդ տուրի խաղին, հայտնում է ակումբի կայքը:
Անգլիական ակումբի կազմում 21 ֆուտբոլիստներ մեկնել են Ստամբուլ, որտեղ նոյեմբերի 3-ին կկայանա «Ֆեներբահչեի» դեմ խաղը:
Հենրիխ Մխիթարյանը վնասվածքից հետո առաջին անգամ է հայտավորվում Անգլիայի 20-ակի չեմպիոնի կազմում: 27-ամյա կիսապաշտպանը խաղադաշտից բացակայում է սեպտեմբերի 10-ից, երբ նրա ազդրի վնասվածքը կրկնվել էր «Մանչեսթեր Սիթիի» դեմ խաղում:
Հետևեք NEWS.am SPORT-ին Facebook-ում, Twitter և Telegram-ում