Ֆուտբոլի Չեմպիոնների լիգայում հոկտեմբերի 18-ին անցկացվեցին E, F, G ու H խմբերի երրորդ տուրի հանդիպումները:
Չեմպիոնների լիգայի գործող գավաթակիր Մադրիդի «Ռեալը» տանը 5:1 հաշվով հաղթեց լեհական «Լեգիային»: F խմբի մյուս խաղում Դորտմունդի «Բորուսիան» 2:1 հաշվով արտագնա հաղթանակ տարավ Լիսաբոնի «Սպորտինգի» նկատմամբ:
Е խմբում ռուսական ԲԿՄԱ-ն Մոսկվայում 1:1 հաշվով ավարտեց «Մոնակոյի» դեմ խաղը, իսկ Լեւերկուզենի «Բայերն» ու Լոնդոնի «Տոտենհեմը» գոլազուրկ ոչ ոքիով բաժանվեցին Գերմանիայում: ԲԿՄԱ-ի եւ Ռուսաստանի հավաքականի դարպասապահ Իգոր Ակինֆեեւը Չեմպիոնների լիգայում գոլ բաց թողեց 40-րդ խաղում անընդմեջ:
G խմբում Անգլիայի չեմպիոն «Լեսթերը» տանը նվազագույն հաշվով ուժեղ գտնվեց դանիական «Կոպենհագենից», իսկ պորտուգալական «Պորտուն» Բելգիայում կամային հաղթանակ տարավ «Բրյուգեի» նկատմամբ՝ 2:1:
H խմբում իսպանական «Սեւիլիան» հյուրընկալվելիս նվազագույն հաշվով պարտության մատնեց Զագրեբի «Դինամոյին», իսկ Թուրինի «Յուվենտուսը» Ֆրանսիայում հաղթեց «Լիոնին»՝ 1:0: Լիոնցիներն առաջին խաղակեսում վրիպեցին 11 մետրանոցից, իսկ Իտալիայի չեմպիոնը կարմիր քարտ ստանալուց հետո հաղթական գոլը խփեց վերջնամասում:
Չեմպիոնների լիգա, երրորդ տուր
F խումբ
«Ռեալ» (Իսպանիա) - «Լեգիա» (Լեհաստան)՝ 5:1
Գարեթ Բեյլ, 16, Տոմաշ Յոդլովեց, 20 (ինքնագոլ), Մարկո Ասենսիո, 37, Լուկաս Վասկես, 68, Ալվարո Մորատա, 85 – Միրոսլավ Ռադովիչ, 22 (11մ.)
«Սպորտինգ» (Պորտուգալիա) - «Բորուսիա Դորտմունդ» (Գերմանիա)՝ 1:2
Բրունո Սեզար, 67 – Պյեր-Էմերիկ Օբամեյանգ, 9, Յուլիան Վայգլ, 43
Е խումբ
«Բայեր» (Գերմանիա) - «Տոտենհեմ» (Անգլիա)՝ 0:0
ԲԿՄԱ (Ռուսաստան) - «Մոնակո» (Ֆրանսիա)՝ 1:1
Լասինա Տրաորե, 34 – Բերնարդո Սիլվա, 87
G խումբ
«Բրյուգե» (Բելգիա) - «Պորտու» (Պորտուգալիա)՝ 1:2
Յելե Վոսեն, 12 – Միգել Լայուն, 68, Անդրե Սիլվա, 90+3 (11մ)
«Լեսթեր» (Անգլիա) - «Կոպենհագեն» (Դանիա)՝ 1:0
Ռիհադ Մահրեզ, 40
H խումբ
«Դինամո Զագրեբ» (Խորվաթիա) - «Սեւիլիա» (Իսպանիա)՝ 0:1
Սամիր Նասրի, 37
«Լիոն» (Ֆրանսիա) - «Յուվենտուս» (Իտալիա)՝ 0:1
Խուան Կուադրադո, 76
Հեռացում՝ Մարիո Լեմինա, 54 («Յուվենտուս»)
Չիրացված 11 մետրանոց՝ Ալեքսանդր Լակազեթ, 35 («Լիոն»)
Հետևեք NEWS.am SPORT-ին Facebook-ում, Twitter և Telegram-ում