Բրիտանացի Էնդի Մարեյը դարձավ թենիսի Ֆրանսիայի բաց առաջնության եզրափակիչի երկրորդ մասնակիցը: Կիսաեզրափակիչում նա չորս սեթում պարտության մատնեց շվեյցարացի Սթեն Վավրինկային՝ 6:4, 6:2, 4:6, 6:2:
Տիտղոսի համար Մարեյը կպայքարի աշխարհի առաջին ռակետ, սերբ Նովակ Ջոկովիչի հետ, որը պայքարից դուրս էր թողել ավստրիացի Դոմինիկ Թիմին՝ 6:2, 6:1, 6:4:
Հիշեցնենք, որ կանանց չեմպիոնական տիտղոսը կվիճարկեն աշխարհի առաջին ռակետ, ամերիկացի Սերենա Ուիլյամսն ու իսպանացի Գարբինյե Մուգուրուսան:
Հետևեք NEWS.am SPORT-ին Facebook-ում, Twitter և Telegram-ում