Քաթարի մայրաքաղաք Դոհայի Aspire Dome ակադեմիայում 9-րդ անգամ անցկացվող միջազգային ֆեդերացիայի World Challenge Cup մրցաշարում հաղթողի կոչումը նվաճել է Հայաստանի ներկայացուցիչ Հարություն Մերդինյանը, հաղորդում է thepeninsulaqatar-ը:
Հարություն Մերդինյանը հավասարը չի ունեցել նժույգի վարժությունում՝ 15.675: Մրցանակային եռյակում նա հետ է թողել Խորվաթիայի եւ Ադրբեջանի ներկայացուցիչներին:
Օղակների վարժությունում Վահագն Դավթյանն (15.800) ու Արթուր Թովմասյանը (15.775) նվաճել են համապատասխանաբար արծաթե եւ բրոնզե մեդալները՝ զիջելով միայն աշխարհի չեմպիոն, հույն Էլեֆտերիոս Պետրոնիասին (15.875):
Հետևեք NEWS.am SPORT-ին Facebook-ում, Twitter և Telegram-ում