Հայաստանը ներկայացնող Թինա Կարապետյան - Սիմոն Սենեկալ պարային զույգը 18-րդ տեղը գրավեց Սլովակիայի մայրաքաղաք Բրատիսլավայում անցկացվող գեղասահքի Եվրոպայի առաջնությունում: Կանադայում բնակվող զույգը ազատ ծրագրում հավաքեց 125,19 միավոր:
Կարապետյանն ու Սենեկալը կարճ ծրագրում գրանցել էին 20-րդ արդյունք՝ հաղթահարելով որակավորման փուլը:
Հիշեցնենք, որ Բրատիսլավայում Հայաստանը ուներ եւս երկու ներկայացուցիչ մենասահքում: Սլավիկ Հայրապետյանը կարճ ծրագրից հետո դուրս էր մնացել պայքարից, իսկ Անաստասիա Գալուստյանը գրավել էր 15-րդ տեղը:
Հետևեք NEWS.am SPORT-ին Facebook-ում, Twitter և Telegram-ում