Պրոֆեսիոնալ կարիերայում առաջին անգամ իսպանացի թենիսիստ Ռաֆայել Նադալը մրցաշրջանը կավարտի առանց «Մեծ սաղավարտի» տիտղոսի: ԱՄՆ-ի բաց առաջնության երրորդ շրջանում 29-ամյա մարզիկը հինգ սեթում պարտվել էր իտալացի Ֆաբիո Ֆոնյինիին:
Առաջին տիտղոսը «Մեծ սաղավարտում» Նադալը նվաճել է 2005-ին: Նա առաջին տղամարդ թենիսիստն է, որը Ֆրանսիայի բաց առաջնության չեմպիոնական տիտղոսը նվաճել է հենց առաջին մասնակցության մրցաշարում: Մեկ անգամ հաղթել է Ավստրալիայի բաց առաջնությունում, երկուական անգամ՝ Ուիմբլդոնում եւ US Open-ում:
Նադալն ունի «Մեծ սաղավարտի» մրցաշարերի 14 տիտղոս: Իսպանացին 9 անգամ հաղթել է Ֆրանսիայի բաց առաջնությունում: 2008-ին նա դարձել է օլիմպիական չեմպիոն:
Հիշեցնենք, որ «Մեծ սաղավարտի» մրցաշարերն են Ավստրալիայի, Ֆրանսիայի, ԱՄՆ-ի բաց առաջնություններն ու Ուիմբլդոնի մրցաշարը:
Հետևեք NEWS.am SPORT-ին Facebook-ում, Twitter և Telegram-ում