Ավարտվեց Համահայկական 6-րդ խաղերի արցախյան փուլը: Մասնակիցները վերադարձան Հայաստան:
Օգոստոսի 6-ին կայացան Բուրջ Համուդ-Արցախ ֆուտբոլային և Արցախ-Գյումրի վոլեյբոլի հանդիպումները:
Բուրջ Համուդ - Արցախ հանդիպումն ավարտվեց ոչ-ոքի, իսկ արցախցի վոլեյբոլիստները վստահ հաղթանակ տարան գյումրեցիների նկատմամբ և առաջին տեղով դուրս եկան խմբից:
Իրենց թիմակիցներից հետ չմնացին նաև ֆուտբոլիստները, ովքեր, չնայած ոչ-ոքիին, նույնպես առաջին տեղով դուրս եկան խմբից:
Օգոստոսի 7-ին Արցախի թիմերը կժամանեն Հայաստան:
Խաղից հետո մարզիկներն այցելեցին Գանձասար, լուսանկարվեցին «Մենք ենք մեր սարերը» արձանի մոտ, որից հետո ուղևորվեցին Երևան:
Շուշանիկ Հակոբյան
Հետևեք NEWS.am SPORT-ին Facebook-ում, Twitter և Telegram-ում