Սլովենիայի Մարիբոր քաղաքում անցկացվող գնդակային հրաձգության Եվրպայի առաջնությունում մրցելույթն է սկսել Հայաստանի ուժեղագույն հրաձիգ Հրաչյա Բաբայանը: 50մ, հրացան 3 դիրքից, 3X40 կրակոց երիտասարդների վարժությունում Հրաչ Բաբայանը խոցել է 1148 միավոր եւ 48 մարզիկների պայքարում գրավել է 6-րդ տեղը՝ դուրս գալով եզրափակիչ փուլ:
Եզրափակիչում Հրաչյա Բաբայանին հաջողվել է բարելավել դիրքերը, սակայն, շատ մոտ լինելով մեդալներին, գրավել է 4-րդ տեղը: Հրաչյա Բաբայանը Երեւանի հրաձգության մանկապատանեկան մարզադպրոցի սան է, անձնական մարզիչն է Անդրանիկ Այվազյանը, հայտնում են ՀՀՖ-ից:
Հետևեք NEWS.am SPORT-ին Facebook-ում, Twitter և Telegram-ում