Բասկետբոլի ազգային ասոցիացիայի «Լոս Անջելես Կլիպերս» ակումբի սեփականատեր, Microsoft ընկերության նախկին գլխավոր տնօրեն Սթիվ Բալմերը թիմի բասկետբոլիստներին կստիպի հրաժարվել է Apple-ի սարքերից, հաղորդում է Reuters-ը:
«Մեր թիմի խաղացողների մեծ մասն օգտագործում է Windows-ով սարքեր, բայց կան նաեւ այլ ընկերությունների արտադրանքի սիրահարներ: Կհրաժարվենք iPad-ից»,- ասել է Բալմերը:
2014թ. օգոստոսին Բալմերը հեռացավ Microsoft-ի գլխավոր տնօրենի պաշտոնից, սակայն ունի ընկերության բաժնետոմսերի փաթեթ: Նա 2 միլիարդ դոլարով գործարար Դոնալդ Ստերլինգից գնեց «Կլիպերս» ակումբը: Ստերլինգը ռասիստական բնույթի սկանդալի պատճառով ցմահ որակազրկվեց Բասկետբոլի ազգային ասոցիացիայի կողմից եւ ստիպված եղավ վաճառել ակումբը: Նա տուգանվեց նաեւ 2.5 միլիոն դոլարով:
Հետևեք NEWS.am SPORT-ին Facebook-ում, Twitter և Telegram-ում