13:23  +04,  23 մայիսի, 2012

Հայ հեծանվորդը մեդալներ է նվաճել Բելառուսում

Հայաստանի հեծանվային սպորտի հանրապետական դպրոցի մարզիկները մասնակցել են Բելառուսի երտասարդական բաց առաջնությանը:

128 մասնակիցների պայքարում, վեց մրցաձեւից բաղկացած բազմամարտում Էդվարդ Մաթոսյանը բրոնզե մեդալակիր է դարձել հինգ միջանկյալ վերջնագծով 25 կմ  մրցավազքում եւ մեկ վերջնագծով 15 կմ խմբային մրցավազքում: Էդվարդ երրորդ մեդալն է նվաճել նաեւ բազմամարտում` վեց մրցաձեւերի ընդհանուր արդյունքով: Էդվարդ Մաթոսյանը լրացրեց նաեւ ՀՀ սպորտի վարպետի նորման:

Հայաստանի երկրորդ ներկայացուցիչը՝ Վարշամ Դարբինյանը, խմբային օլիմպիական մրցավազքում զբաղեցրեց 6-րդ տեղը:

Հեծանվորդներին Բելառուս ուղեկցած վաստակավոր մարզիչ Ալբերտ Սոլոյանը նշել է, որ մինչեւ Եվրոպայի առաջնության մեկնարկը հայ մարզիկներն անպայման կբարելավեն իրենց «երկաթյա նժույգների» արագությունը, հաղորդում է ՀԱՕԿ-ի պաշտոնական կայքը:

Հայ հեծանվորդները հուլիսի 1-ից 6-ը կմասնակցեն Պորտուգալիայի Անադիա քաղաքում կայանալիք Եվրոպայի երիտասարդական առաջնությանը:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս