167 նորվեգացի երկրպագու խաղադրույք էր կատարել Betsafe բուքմեյքերական ընկերությունում, որ անգլիական «Լիվերպուլի» եւ Ուրուգվայի հավաքականի հարձակվող Լուիս Սուարեսը խաղի ընթացքում կկծի մրցակցին, հաղորդում է BBC-ն։
Խաղադրույքի գործակիցը 175 էր։ Բուքմեյքերական ընկերությունը նրանց վճարել է մոտ 44 հազար ֆունտ ստերլինգ, իսկ առավելագույն շահումը կազմել է 2000 ֆունտ։
Հիշեցնենք, որ 27-ամյա հարձակվողը ֆուտբոլի աշխարհի առաջնության խմբային փուլի վերջին խաղում կծել էր իտալացի պաշտպան Ջորջո Կյելինիի ուսը։
ՖԻՖԱ-ն Սուարեսի նկատմամբ հարուցել է կարգապահական գործ։ Պրեմյեր լիգայի լավագույն ֆուտբոլիստը կարող է որակազրկվել երկու տարով։
Հետևեք NEWS.am SPORT-ին Facebook-ում, Twitter և Telegram-ում