Բասկետբոլի ազգային ասոցիացիայի «Կլիպերս» ակումբի սեփականատեր Դոնալդ Ստերլինգը, ով ցմահ որակազրկվել է ռասիստական արտահայտությունների համար, համաձայնել է ակումբը վաճառել միլիարդատեր Սթիվ Բալմերին, փոխանցում է ESPN Los Angeles-ը։
Սպասվում է, որ առաջիկա օրերին կողմերը կհայտարարեն գործարքի մասին։ Ստերլինգը «Կլիպերսի» վաճառքից կստանա մոտ 2 միլիարդ դոլար։
Հիշեցնենք, որ Ստերլինգը հեռախոսազրույցում մեղադրել էր ընկերուհուն սեւամորթների հետ մտերմություն անելու համար։ Ձայնագրությունը հայտնվել էր համացանցում, ինչից հետո ռասիստական սկանդալ է առաջացել։
Հետևեք NEWS.am SPORT-ին Facebook-ում, Twitter և Telegram-ում