Արթուրի գոտեմարտերից գոհ եմ: Ակնկալում էի ոսկե մեդալ, միայն թե երբեք նման ակնկալիքների մասին չեմ խոսում՝ համբերատար սպասելով այդ օրվան ու պահին: Շնորհավորում եմ բոլորիս:
Այս մասին NEWS.am Sport-ի թղթակցի հետ զրույցում ասաց հունահռոմեական ոճի ըմբշամարտի Հայաստանի հավաքականի գլխավոր մարզիչ Լեւոն Ջուլֆալակյանը` մեկնաբանելով 98 կգ քաշային Արթուր Ալեքսանյանի վստահ հաղթանակը Ֆինլանդիայի Վանտաա քաղաքում մեկնարկած Եվրոպայի առաջնությունում:
Պարոն Ջուլֆալակյան, շնորհավորում եմ ոսկե մեդալի կապակցությամբ: Ձեր կարծիքը Արթուր Ալեքսանյանի ելույթների վերաբերյալ:
Այսօր Արթուրն անցկացրեց հրաշալի գոտեմարտեր: Ամենակարեւորը, որ լիարժեք ճիշտ մարտաոճով շատ վստահ գոտեմարտեր էին թե՛ տակտիկապես, թե՛ տեխնիկապես: Արթուրն անցկացրեց գրագետ գոտեմարտեր՝ տանելով վստահ հաղթանակներ: Ես հպարտ եմ, որ նա ոչ մի միավոր չտվեց մրցակիցներին:
Ակնկալո՞ւմ էիք այսպիսի հաղթանակ:
Ես ակնկալում էի այս հաղթանակը, բայց նախապես չէի բարձրաձայնում: Ես սպասում էի, որ նա երրորդ անգամ կնվաճի Եվրոպայի չեմպիոնի տիտղոսը. միայն գա օրն ու ժամանակը, նոր կուրախանամ այդ փաստով: Աշխատում եմ ժամանակից առաջ չանցնել, բայց, որ սպասում եմ, դա հաստատ է: Գիտեմ՝ ով ինչի է ընդունակ եւ ինչի հետեւից է եկել Եվրոպայի առաջնությանը: Արթուրն առավելություն ուներ բոլոր մրցակիցների նկատմամբ: Գոհ եմ նրա՝ Եվրոպայի առաջնությունում բոլոր ելույթներից:
Ի՞նչպես կգնահատեք այսօր մրցագորգ դուրս եկած մյուս հայ ըմբիշների մրցելույթներին:
Մյուս ըմբիշներից եւս գոհ եմ: Լավ պայքարեցին, բայց եղան բացթողումներ ոչ թե մեր մարզիկների կողմից, այլ՝ մրցավարների. դա մեր ըմբիշներին խանգարեց պայքարել մեդալների համար: Այսօր տրամադրված էինք նվաճել շատ մեդալներ: Ցավոք, խանգարեցին եւ հերթական անգամ մեզանից խլեցին մեր մեդալները:
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում
17:31 , 24 ապրիլի 
16:25 , 24 ապրիլի 
15:16 , 24 ապրիլի 
14:08 , 24 ապրիլի 
13:10 , 24 ապրիլի 
12:03 , 24 ապրիլի 
11:07 , 24 ապրիլի 
10:24 , 24 ապրիլի 
09:05 , 24 ապրիլի 
01:39 , 24 ապրիլի 
