Ռոնալդուն կարող է որակազրկվել երեք խաղով

Մադրիդի «Ռեալի» պորտուգալացի հարձակվող Կրիշտիանու Ռոնալդուն, ով խաղադաշտից հեռացվել էր Իսպանիայի առաջնության 22-րդ տուրի՝ Բիլբաոյի «Աթլետիկի» հետ հանդիպման ժամանակ, ամենայն հավանականությամբ, կորակազրկվի երեք խաղով, փոխանցում է Tuttomercatoweb.com-ը։

Հենց այդպիսի պատիժ է նախատեսված խախտման համար, որը Պորտուգալիայի հավաքականի հարձակվողը թույլ է տվել Կարլոս Գուրպեգիի նկատմամբ։ 28-ամյա Ռոնալդուն կարող է բաց թողնել «Վիլյառեալի», «Խետաֆեի» եւ «Էլչեի» հետ հանդիպումները։

Որակազրկումը չի տարածվում Իսպանիայի գավաթի խաղարկության վրա, այդ պատճառով աշխարհի լավագույն ֆուտբոլիստը կկարողանա մասնակցել Մադրիդի «Աթլետիկոյի» հետ դերբիին, որը կկայանա փետրվարի 5-ին։

Հետևեք NEWS.am SPORT-ին Facebook-ում, Twitter և Telegram-ում