«Ռասինգի» ֆուտբոլիստները բոյկոտել են Իսպանիայի գավաթի խաղարկության քառորդ եզրափակիչի՝ «Ռեալ Սոսյեդադի» հետ պատասխան հանդիպումը, հաղորդում է Marca-ն։
Խաղացողները դադարեցրել են հանդիպումն առաջին րոպեից՝ հավաքվելով խաղադաշտի կենտրոնում։ Մարզչական շտաբը եւ պահեստային ֆուտբոլիստները նույնպես շարք են կազմել։ Այդ քայլով մարզիկները պահանջել են ակումբի ղեկավարության հրաժարականը։ Պատճառն աշխատավարձերի ուշացումն է։ Երկրպագուներն այդ քայլն ընդունել են ծափահարություններով։
Հիշեցնենք, որ առաջին խաղում «Ռասինգը» պարտվել էր 1։3 հաշվով։
Հետևեք NEWS.am SPORT-ին Facebook-ում, Twitter և Telegram-ում