13:41  +04,  12 դեկտեմբերի, 2013

Սերգեյ Գալիցկի. Հպարտ եմ, որ հայ եմ

75 տոկոսով ռուս եմ, 25 տոկոսով՝ հայ, ասել է ռուսական «Կրասնոդարի» սեփականատեր Սերգեյ Գալիցկին: Ռուսաստանի ամենահարուստ մարդկանցից մեկը «Радио Маяк»-ի եթերում պատմել է իր հայկական արմատների մասին:

«75 տոկոսով ռուս եմ, 25 տոկոսով՝ հայ: Քանի որ մեծացել եմ ռուսական միջավայրում, ցավոք չգիտեմ հայերեն, սակայն հպարտ եմ, որ հայ եմ»,- ասել է Գալիցկին:

Հիշեցնեն, որ Գալիցկին Հայաստանի հավաքականի հարձակվող Յուրա Մովսիսյանի՝ 2011-ին դանիական «Ռանդերսից» «Կրասնոդար» տեղափոխության գլխավոր նախաձեռնողներից էր: 2012-ին Մովսիսյանը «Կրասնոդարից» տեղափոխվեց Մոսկվայի «Սպարտակ»:

Սերգեյ Գալիցկին ծնվել է Սոչիի արվարձաններից մեկում՝ Լազարեւսկում: Նրա իսկական ազգանունը Հարությունյան է: Ամուսնությունից հետո Սերգեյն այն փոխել է կնոջ ազգանունով:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: