Ինձ դուր է գալիս «Արսենալի» խաղային փիլիսոփայությունը, սակայն ես չէի կարողանա մարզել այդ ակումբը, հայտարարել է Դորտմունդի «Բորուսիայի» գլխավոր մարզիչ Յուրգեն Կլոպը: Նա անդրադարձել է Լոնդոնի «Արսենալի» դեմ Չեմպիոնների լիգայի չորրորդ տուրի խաղին, որը կկայանա նոյեմբերի 6-ին Դորտմունդում:
«Վենգերն, իրոք, յուրօրինակ մարզիչ է, ես շատ եմ սիրում նրան: Նա սիր Արսեն Վենգերն է: Նրան դուր է գալիս, երբ «Արսենալը» մրցակցից շատ է լինում գնդակով՝ խաղալով փոխանցումներով, ինչպես նվագախումբը: Սակայն դա հանգիստ երգ է, իսկ ես սիրում եմ ծանր մետալ: Ցանկանում եմ, որ աղմուկ լինի: Իհարկե, ինձ դուր է գալիս «Արսենալի» խաղային փիլիսոփայությունը, սակայն ես չէի կարողանա մարզել այդ ակումբը, քանի որ ես այլ եմ»,- Կլոպի խոսքը մեջբերում է The Telegraph-ը:
Չեմպիոնների լիգայի երրորդ տուրից հետո «Արսենալն» ու «Բորուսիան» ունեն 6-ական միավոր: Լոնդոնում կայացած առաջին խաղում դորտմունդցիները հաղթել են 2:1 հաշվով:
Հետևեք NEWS.am SPORT-ին Facebook-ում, Twitter և Telegram-ում