Մեզ համար Ռոնալդուի այսպիսի խաղը նորություն չէ, ասել է Մադրիդի «Ռեալի» տնօրեն Էմիլիո Բուտրագենյոն։ Նա գովեստի խոսքեր է ասել Արքայական ակումբի եւ Պորտուգալիայի հավաքականի 28-ամյա հարձակվող Կրիշտիանու Ռոնալդուի հասցեին։
«Ռոնալդուն իսկական օրհնություն է։ Նա մեծարում է ֆուտբոլը։ Մեզ զարմացրել է ՖԻՖԱ-ի նախագահ Զեպ Բլատերի հայտարարությունը։ Նա պետք է հարգի նրանց, ովքեր ներկայացնում են ֆուտբոլի պատմությունը։ Այն, ինչ վնասում է Ռոնալդուին, վնասում է մեզ բոլորիս։ Այդպիսի բան պետք է չկրկնվի»,- Բուտրագենյոյի խոսքը մեջբերում է El Mundo Deportivo-ն։
Հիշեցնենք, որ «Ռեալ» - «Սեւիլիա» խաղն ավարտվել է տանտերերի հաղթանակով՝ 7։3, իսկ պորտուգալացին դարձել է հեթ-տրիկի հեղինակ։
Հետևեք NEWS.am SPORT-ին Facebook-ում, Twitter և Telegram-ում