«Մանչեսթեր Յունայթեդի» կիսապաշտպան Ռայան Գիգսը Չեմպիոնների լիգայի խմբային փուլի՝ Դոնեցկի «Շախտյորի» հետ խաղի ժամանակ ռեկորդ է սահմանել, հաղորդում է ՈւԵՖԱ-ի կայքը։
39-ամյա Գիգսը Չեմպիոնների լիգայում մասնակցել է 145 հանդիպման եւ այդ ցուցանիշով առաջ է անցել Մադրիդի «Ռեալի» նախկին լեգենդար հարձակվող Ռաուլից (144 խաղ)։ Գիգսը մասնակցել է Չեմպիոնների լիգայում անգլիական ակումբի վերջին 20 խաղարկություններին եւ դարձել 29 գոլի հեղինակ։
Հիշեցնենք, որ «Շախտյոր» - «Մանչեսթեր Յունայթեդ» խաղն ավարտվել է ոչ ոքի՝ 1։1։
Հետևեք NEWS.am SPORT-ին Facebook-ում, Twitter և Telegram-ում