Ռոնալդո. Ես սիրում եմ «Ռեալը», բայց «Բարսելոնան» ֆանտաստիկ թիմ է

«Կարող եմ վստահաբար ասել, որ «Բարսելոնան» լավագույն թիմերից է, որ ես տեսել եմ իմ կյանքում»: Այս մասին ասել է Մադրիդի «Ռեալի» եւ Բրազիլիայի հավաքականի նախկին ֆուտբոլիստ Ռոնալդոն FIFA-ի պաշտոնական կայքին տված հարցազրույցում:

«Ամենից լավ ինձ համար Մադրիդում էր: Դա իմ կարիերայի լավագույն հատվածն էր: Ես նաեւ սիրում էի «Ինտերը»: Ես սիրահարվեցի Միլան քաղաքին, երբ առաջին անգամ տեսա այն: Այժմ իմ համակրանքը, բնականաբար, «Ռեալի» կողմն է: Նրանք լավ են խաղում, բայց ես չեմ կարող անտեսել «Բարսելոնան», որը ֆանտաստիկ ֆուտբոլ է ցուցադրում: Գվարդիոլայի թիմում յուրաքանչյուր ֆուտբոլիստ գիտի իր անելիքը խաղադաշտում: Կարող եմ վստահաբար ասել, որ «Բարսելոնան» լավագույն թիմերից է, որ ես տեսել եմ իմ կյանքում»,- ասել է 35-ամյա Ռոնալդոն: 

Հետևեք NEWS.am SPORT-ին Facebook-ում, Twitter և Telegram-ում