Մարտի 29-ին Լոնդոնի Թագավորական ավտոակումբում Ֆորմուլա-1-ի առաջնության Բահրեյնի Գրան Պրիի կազմակերպիչ շեյխ Սալման բին Իսա Ալ Հալիֆան հանդիպել է Ֆորմուլա-1-ի գործադիր տնօրեն Բերնի Էքլսթոունի, թիմերի ներկայացուցիչների եւ լրագրողների հետ:
Բահրեյնի ներկայացուցիչները երաշխիքներ են տվել, որ իրավիճակը երկրում կայունացել է եւ Գրան Պրիի անցկացմանը ոչինչ չի սպառնում: Բերնի Էքլսթոունը հայտարարել է, որ մրցարշավը տեղի կունենա եւ ոչ մի խնդիր չի ծագի, հաղորդում է F1news.ru-ն:
Հիշեցնենք, որ անցած տարի Բահրեյնի Գրան Պրին երկրի ներքաղաքական լարված իրավիճակի պատճառով չանցկացվեց: Մի քանի օր առաջ տեղեկություն էր հայտնվել, որ այս տարի եւս Ֆորմուլա-1-ը կխուսափի մերձավորարեւելյան այդ երկրից:
Հետևեք NEWS.am SPORT-ին Facebook-ում, Twitter և Telegram-ում