Մոուրինյո․ «Ֆեներբահչեն» երբեք չի հասնի Չեմպիոնների լիգայի եզրափակիչ

Թուրքական «Ֆեներբահչեի» պորտուգալացի գլխավոր մարզիչ Ժոզե Մոուրինյոն մեկնաբանել է Չեմպիոնների լիգայից դուրս մնալը։ Որակավորման երրորդ փուլում ստամբուլյան թիմը երկու հանդիպման արդյունքում 2:3 հաշվով պարտվել է ֆրանսիական «Լիլին»։

«Ես հպարտ եմ մեր խաղացողներով։ Հնարավոր ամեն ինչ արեցինք թիմային տեսանկյունից։ Մենք կորցրեցինք աշխարհի մեծագույն ակումբների հետ խաղալու հնարավորությունը, բայց փաստն այն է, որ մենք երբեք չենք հաղթի Չեմպիոնների լիգայում։

Ես կնախընտրեի խաղալ Չեմպիոնների լիգայում, բայց այդ մրցաշարում մենք երբեք չենք հասնի եզրափակիչ, իսկ Եվրոպայի լիգայում այդպիսի հնարավորություն ունենք։ Եվրոպայի լիգան մրցակցության տեսանկյունից ավելի հետաքրքիր մրցաշար է մեր թիմի համար»,- Մոուրինյոյի խոսքը մեջբերում է Goal.com-ը։

Մոուրինյոն հունիսին է գլխավորել «Ֆեներբահչեն»: 

Հետևեք NEWS.am SPORT-ին Facebook-ում, Twitter և Telegram-ում