Անչելոտի․ «Ատալանտան» շատ վտանգավոր թիմ է, որը բացառիկ է խաղում

Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալի» իտալացի գլխավոր մարզիչ Կառլո Անչելոտին խոսել է Եվրոպայի լիգայի գավաթակիր «Ատալանտայի» (Իտալիա) հետ առաջիկա դիմակայության մասին։ Թիմերը կվիճարկեն Եվրոպայի սուպերգավաթը։

«Հեշտ չի լինի, քանի որ մրցաշրջանի սկիզբն է, բայց մենք ունենք վստահություն։ Կարծում եմ՝ «Ատալանտան» արժանի է լինել այստեղ, քանի որ հրաշալի մրցաշրջան անցկացրին Եվրոպայի լիգայում՝ հաղթելով «Լիվերպուլի» եւ «Բայերի» նման թիմերի։ Հարգում ենք մրցակցին, բայց հույս ունենք, որ կլինենք մեր լավագույն մարզավիճակում։

«Ատալանտան» շատ վտանգավոր թիմ է, որը խաղում է առանձնահատուկ եւ բացառիկ»,- Անչելոտիի խոսքը մեջբերում է ՈՒԵՖԱ-ի կայքը։

«Ռեալ» - «Ատալանտա» հանդիպումը տեղի կունենա օգոստոսի 14-ին Վարշավայում (Լեհաստան) եւ կմեկնարկի Երեւանի ժամանակով 23:00-ին։

Հետևեք NEWS.am SPORT-ին Facebook-ում, Twitter և Telegram-ում