«Ալ Ահլին» 1 միլիարդ եվրո է առաջարկել Վինիսիուս Ժունիորի համար

Սաուդյան «Ալ Ահլին» բանակցում է Մադրիդի «Ռեալի» հետ բրազիլացի հարձակվող Վինիսիուս Ժունիորի տրանսֆերի հարցով։ «Ալ Ահլին» պատրաստ է 24-ամյա ֆուտբոլիստի համար Արքայական ակումբին վճարել 1 միլիարդ եվրո, հաղորդում է բրազիլական Globo-ն։

«Ալ Ահլին» Վինիսիուս Ժունիորին առաջարկել է 5 տարվա պայմանագիր, տարեկան 200 միլիոն եվրո աշխատավարձով։

Սաուդյան Արաբիան 2034-ին ընդունելու է ֆուտբոլի աշխարհի առաջնությունը եւ մտադիր է առաջիկա 10 տարիներին ներքին առաջնությունում մեծացնել համաշխարհային աստղերի թիվը։

Վինիսիուս Ժունիորը 2018-ից է հանդես գալիս Արքայական ակումբում։ Նրա գործող պայմանագիրը նախատեսված է մինչեւ 2027թ․ հունիս։

Transfermarkt-ը Վինիսիուս Ժունիորի տրանսֆերային արժեքը գնահատում է 180 միլիոն եվրո։

Հետևեք NEWS.am SPORT-ին Facebook-ում, Twitter և Telegram-ում