20:02  ,  18 մայիսի, 2024

Մ-15 ԵԱ․ Հայաստանի ըմբիշները նվաճել են 2 ոսկե եւ 3 բրոնզե մեդալ

Հունական Լուտրակի քաղաքում ավարտվեց հունահռոմեական ոճի ըմբշամարտի Եվրոպայի մինչեւ 15 տարեկանների Եվրոպայի առաջնությունը: Հայաստանի թիմը նվաճեց 2 ոսկե եւ 3 բրոնզե մեդալ։

Վազգեն Մնացականյանը  (52 կգ) և Ջանես Նազարյանը (62 կգ) դարձել են չեմպիոններ, Էրիկ Պետրոսյանը (48 կգ), Զավեն Մեջլումյանը (62 կգ) և Վահե Հովեյանը (68 կգ) նվաճել են բրոնզե մեդալներ:

Ավելի վաղ ազատ ոճի ըմբշամարտի Եվրոպայի մինչեւ 15 տարեկանների առաջնությունում 68 կգ քաշային Եղիշե Մոսեսյանը դարձել էր ոսկե մեդալակիր։ Բրոնզե մեդալներ էին նվաճել 41 կգ քաշային Լևիկ Ավետիսյանը, 44 կգ քաշային Էրիկ Պապիկյանը և 62 կգ քաշային Ավետիք Թութխալյանը։

Հետևեք NEWS.am SPORT-ին Facebook-ում, Twitter և Telegram-ում