Տեբաս․ Մբապեի տեղափոխությունից հետո Լա Լիգան կդառնա ամենաշատ աստղերով առաջնությունը

Իսպանական Լա Լիգայի նախագահ Խավիեր Տեբասը մրցակցային առավելությունների ակնկալիքներ ունի Ֆրանսիայի չեմպիոն ՊՍԺ-ից 25-ամյա ֆրանսիացի հարձակվող Կիլիան Մբապեի տեղափոխությունից Մադրիդի «Ռեալ»։

«Աշխարհի լավագույն ֆուտբոլիստներից մեկի ներկայությունը մեր լիգայում հրաշալի կլինի։ Ճիշտ է, մենք արդեն ունենք Բելինգեմի, Վինիսիուսի, Գրիզմանի եւ Լեւանդովսկու նման աստղեր, սակայն Մբապեի տեղափոխությունից հետո Լա Լիգան կդառնա ամենաշատ աստղերով առաջնությունը»,- Տեբասի խոսքը մեջբերում է Mundo Deportivo-ն։

Ոչ պաշտոնական տվյալներով՝ «Ռեալն» արդեն համաձայնության է հասել Մբապեի հետ հինգ տարվա պայմանագրի վերաբերյալ։

Հետևեք NEWS.am SPORT-ին Facebook-ում, Twitter և Telegram-ում