Բելինգեմը նշել է աշխարհի լավագույն ֆուտբոլիստին

Մադրիդի «Ռեալի» անգլիացի կիսապաշտպան Ջուդ Բելինգեմը նշել է աշխարհի լավագույն ֆուտբոլիստին։

«Վինիսիուս Ժունիորն անհավանական ֆուտբոլիստ է։ Ես նրան համարում եմ ուժեղագույններից մեկը, ում հետ երբեւէ խաղացել եմ նույն թիմում։ Նրա հետ ամեն ինչ շատ ավելի հեշտ է ստացվում խաղադաշտում։ Թերեւս, Վինիսիուսն է աշխարհի լավագույն ֆուտբոլիստը հիմա ինձ համար»,- Բելինգեմի խոսքը մեջբերում է Madrid Zone-ը։

Չեմպիոնների լիգայի երկրորդ տուրում «Ռեալը» 3:2 հաշվով պարտության էր մատնել Իտալիայի չեմպիոն «Նապոլիին», Բելգինգեմը դարձել էր գոլի եւ գոլային փոխանցման հեղինակ՝ ճանաչվելով հանդիպման լավագույն խաղացող։ Նրա փոխանցումից հետո աչքի էր ընկել Վինիսիուսը։

Հետևեք NEWS.am SPORT-ին Facebook-ում, Twitter և Telegram-ում