Սերբիայի մայրաքաղաք Բելգրադում անցկացվող հունահռոմեական ոճի ըմբշամարտի աշխարհի առաջնությունում Հայաստանի ներկայացուցիչ Սլավիկ Գալստյանը (67 կգ) երկրորդ հաղթանակը տարավ եւ կպայքարի 1/8 եզրափակիչում:
2019 թվականի աշխարհի բրոնզե մեդալակիրը 1/16 եզրափակիչում գոտեմարտեց Տոկիոյի Օլիմպիական խաղերի բրոնզե մեդալակիր, Աֆրիկայի քառակի չեմպիոն, Եգիպտոսի ներկայացուցիչ Մուհամեդ Էլսայեդի հետ եւ համառ պայքարում կամային հաղթանակ տարավ 8:7 հաշվով:
Աշխարհի եւ Եվրոպայի բրոնզե մեդալակիրը մեկնարկել է որակավորման փուլից, որտեղ աշխարհի եւ Եվրոպայի բրոնզե մեդալակիր Սլավիկ Գալստյանը ժամանակից շուտ 8:0 հաշվով հաղթել է Իտալիան ներկայացնող Իգնացիո Սանֆիլիպոյին:
Գեւորգ Թադեւոսյանը երկրորդ հաղթանակն է տարել եւ դուրս եկել 1/8-րդ եզրափակիչ:
87 կգ քաշային կարգի 1/16 եզրափակիչում Մ23 աշխարհի փոխչեմպիոն, Մ23 Եվրոպայի բրոնզե մեդալակիր Թադեւոսյանը առաջին մրցափուլում ժամանակից շուտ 10:0 հաշվով հաղթեց լիտվացի Մարտինես Նեմեսեւիչյուսին:
Թադեւոսյանը մեկնարկում 5:1 հաշվով առավելության էր հասել կուբացի Դանիել Գրիգորիչ Հեչավարիայի նկատմամբ:
Այսօր պայքարի մեջ կմտնի նաեւ Հրաչյա Պողոսյանը (63 կգ): Եվրոպայի բրոնզե մեդալակիր, Մ23 աշխարհի կրկնակի բրոնզե մեդալակիր, Մ23 Եվրոպայի չեմպիոն Հրաչյա Պողոսյանը (63 կգ) մրցագորգ դուրս կգա 1/8 եզրափակիչից։ Նրա մրցակիցը Բուլղարիան ներկայացնող Աբու Մուսլիմ Ապտիեւիչ Ամաեւն է:
Հետևեք NEWS.am SPORT-ին Facebook-ում, Twitter և Telegram-ում
01:22 , 5 դեկտեմբերի 
00:33 , 5 դեկտեմբերի 
23:54 , 4 դեկտեմբերի 
23:26 , 4 դեկտեմբերի 
22:37 , 4 դեկտեմբերի 
21:15 , 4 դեկտեմբերի 
20:36 , 4 դեկտեմբերի 
20:23 , 4 դեկտեմբերի 
19:51 , 4 դեկտեմբերի 
19:31 , 4 դեկտեմբերի 
