Ֆրանսիայի չեմպիոն ՊՍԺ-ն մտադիր է այս ամռանը վաճառել 31-ամյա բրազիլացի հարձակվող Նեյմարին, հաղորդում է RMC Sport-ը։
Փարիզյան ակումբը մտադիր է վերակառուցել կազմը եւ տրանսֆերի կհանի նաեւ կիսապաշտպաններ, իսպանացի Կառլոս Սոլերին, իտալացի Մարկո Վերատիին ու պորտուգալացի Ռենատու Սանշեշին։
ՊՍԺ-ն մտադիր է վաճառել նաեւ հարձակվողներ, ֆրանսիացի Ուգո Էկիտիկեին ու արգենտինացի Մաուրո Իկարդիին, որն այժմ վարձակալությամբ հանդես է գալիս թուրքական «Գալաթասարայում»։
Շահավետ առաջարկի դեպքում՝ ՊՍԺ-ն կվաճառի նաեւ մարոկկացի պաշտպան Աշրաֆ Հակիմիին։
Հետևեք NEWS.am SPORT-ին Facebook-ում, Twitter և Telegram-ում