Իսպանիայի չեմպիոն «Բարսելոնայի» իսպանացի գլխավոր մարզիչ Չավին հույս ունի, որ աշխարհի չեմպիոն Արգենտինայի հավաքականի 35-ամյա հարձակվող Լիոնել Մեսին ամռանը Ֆրանսիայի չեմպիոն ՊՍԺ-ից կվերադառնա կատալոնական ակումբ։
«Ես ակումբի նախագահին ասացի, որ Մեսիի վերադարձն ունի իմաստ։ Ոչ մի կասկած չկա, որ նա կատարյալ համապատասխանում է մեր համակարգին եւ գաղափարներին։ Ես եւ Լեոն մշակել ենք մարտավարական ծրագիր։ Ամեն ինչ կախված է միայն Մեսիից։ Նա պետք է որոշում ընդունի։ Ես պարբերաբար խոսում եմ Լեոյի հետ»,- Չավիի խոսքը մեջբերում է Sport.es-ը։
Մեսիի պայմանագիրը ՊՍԺ-ի հետ կավարտվի հունիսին, եւ նա կստանա ազատ գործակալի կարգավիճակ։
Հետևեք NEWS.am SPORT-ին Facebook-ում, Twitter և Telegram-ում