Իտալիայի առաջնության 32-րդ տուրում «Նապոլին» տանը մրցեց «Սալերնիտանայի» հետ։ Իտալացի Լուչանո Սպալետիի գլխավորած թիմը վերջնամասում բաց թողեց հաղթանակը։
62-րդ րոպեին «Նապոլիի» գոլը խփեց ուրուգվայցի պաշտպան Մատիաս Օլիվեյրան (տեսանյութ)։
84-րդ րոպեին «Սալերնիտանայի» պատասխան գոլը խփեց սենեգալցի հարձակվող Բուլայե Դիան (տեսանյութ)։
«Նապոլին» 79 միավորով գլխավորում է մրցաշարային աղյուսակը։ Երկրորդ տեղում գտնվող «Լացիոն» ունի 61 միավոր։ «Նապոլիին» գերազանցելու տեսական հնարավորություն է պահպանում «Յուվենտուսը», որը 31 խաղից հետո վաստակել է 59 միավոր։ «Սալերնիտանան» 34 միավորով 14-րդն է։
«Նապոլին» արդեն հաջորդ տուրում կարող է նվաճել երրորդ չեմպիոնական տիտղոսը։ Նախորդ երկու տիտղոսները նեապոլյան թիմը նվաճել է 1987-ին եւ 1990-ին։
Հետևեք NEWS.am SPORT-ին Facebook-ում, Twitter և Telegram-ում