Սաուդյան Արաբիայի «Ալ Հիլյալը» 37-ամյա իսպանացի պաշտպան Սերխիո Ռամոսին կառաջարկի տարեկան 30 միլիոն եվրո աշխատավարձ, հաղորդում է ֆրանսիական L’Equipe-ը։
Հունիսին կավարտվի Սերխիո Ռամոսի պայմանագիրը Ֆրանսիայի չեմպիոն ՊՍԺ-ի հետ, եւ նա կստանա ազատ գործակալի կարգավիճակ։
Ռամոսի համաձայնությունը ստանալու համար «Ալ Հիլյալը» պատրաստ է առաջարկել նաեւ 50 միլիոն եվրո։
Ընթացիկ մրցաշրջանում Ռամոսը փարիզյան թիմի հետ մասնակցել է 36 հանդիպման, խփել է 2 գոլ, կատարել է 1 գոլային փոխանցում։
Ռամոսի ծառայություններով հետաքրքրված է նաեւ նաեւ Սաուդյան Արաբիայի «Ալ Նասրը», որի կազմում խաղում է 38-ամյա պորտուգալացի հարձակվող Կրիշտիանու Ռոնալդուն։
Հետևեք NEWS.am SPORT-ին Facebook-ում, Twitter և Telegram-ում