Չեռնոգորիայում ավարտին մոտեցող շախմատի կանանց Եվրոպայի առաջնության 9-րդ տուրից հետո Հայաստանի 6 ներկայացուցիչներից լավագույն արդյունքն ունի Աննա Սարգսյանը, որը ոչ ոքի խաղաց վրացի Բելլա Խոտենաշվիլիի հետ եւ 6,5 միավորով բաժանում է 5-10-րդ տեղերը։ Չորս առաջատարներն ունեն 7-ական միավոր։
Էլինա Դանիելյանը ոչ ոքի խաղաց ռուսաստանցի Ալինա Բիվոլի հետ եւ 6 միավորով բաժանում է 11-21-րդ տեղերը։
9-րդ տուրում Հայաստանի շախմատիստուհիներից հաղթանակ տարավ միայն Սուսաննա Գաբոյանը, որը վաստակել է 5 միավոր եւ բաժանում է 40-60-րդ տեղերը։
Լիլիթ Մկրտչյանն (5,5) ու Մարիամ Մկրտչյանը (5,5) պարտություն կրեցին։ Պոլինա Կոբակը (4) խաղաց ոչ ոքի։
Առաջնության ավարտին մնացել է երկու տուր։
Հետևեք NEWS.am SPORT-ին Facebook-ում, Twitter և Telegram-ում