Հայաստան - Կիպրոս եւ օրվա մյուս ընկերական հանդիպումները

Ֆուտբոլի Հայաստանի ազգային հավաքականն ուկրաինացի գլխավոր մարզիչ Ալեքսանդր Պետրակովի ղեկավարությամբ մարտի 28-ին Երեւանի Վազգեն Սարգսյանի անվան «Հանրապետական» ստադիոնում կանցկացնի ընկերական հանդիպում Կիպրոսի հավաքականի հետ։

Թիմերը կհանդիպեն 6-րդ անգամ։ Առաջին երկու հանդիպումները Հայաստանի եւ Կիպրոսի հավաքականները անցկացրել են Եվրո-1996-ի ընտրական մրցաշարում։

1994թ․ հոկտեմբերին Երեւանում տեղի ունեցած խաղում գրանցվել է ոչ ոքի՝ 0:0, նույն թվականի նոյեմբերին Լիմասոլում Հայաստանի թիմը պարտվել է 0:2 հաշվով։

Հաջորդ երեք հանդիպումները եղել են ընկերական։ 2006թ․ մարտին հաղթել է Կիպրոսը՝ 2:0: 2007թ․ սեպտեմբերին դարձյալ առավելության է հասել Կիպրոսը՝ 3:1։

2017թ․ նոյեմբերին 3:2 հաշվով հաղթել է Հայաստանի հավաքականը Հայկ Իշխանյանի, Վարազդատ Հարոյանի եւ Հենրիխ Մխիթարյանի գոլերի շնորհիվ։

Ընկերական հանդիպումներ

Ճապոնիա - Կոլումբիա՝ 14:20 (Երեւանի ժամանակ)

Հարավային Կորեա - Ուրուգվայ՝ 15:00

Իրան - Քենիա՝ 20:30

Հայաստան - Կիպրոս՝ 19:00

Գերմանիա - Բելգիա՝ 22:45

Մարոկկո - Պերու՝ 23:30

Արգենտինա - Կյուրասաո՝ 02:30

Հետևեք NEWS.am SPORT-ին Facebook-ում, Twitter և Telegram-ում