Ինձագի․ Բաց թողեցինք գոլ, որն անթույլատրելի է VAR-ի դարաշրջանում

Իտալիայի փոխչեմպիոն Միլանի «Ինտերի» իտալացի գլխավոր մարզիչ Սիմոնե Ինձագին Իտալիայի առաջնության 27-րդ տուրում Թուրինի «Յուվենտուսից» կրած 0:1 հաշվով պարտությունից հետո դժգոհել է մրցավարությունից։

Գոլային գրոհի ժամանակ ֆրանսիացի կիսապաշտպան Ադրիեն Ռաբյոն ձեռքով էր խաղացել նախքան սերբ կիսապաշտպան Ֆիլիպ Կոստիչին գոլային փոխանցում կատարելը (տեսանյութ)։

«Բաց թողեցինք գոլ, որն անթույլատրելի է VAR-ի դարաշրջանում։ Անընդունելի եւ վիրավորական է մրցավարներից լսել, թե կրկնապատկերում հստակ չի երեւում։ Ցավալի է, եւ մենք պահանջում ենք ներողություն։

20 տարբեր կադրերում տեսա, որ ձեռքով խաղ է եղել։ Դժվար է այսքանից հետո մեկնաբանել խաղի արդյունքը»,- Ինձագիի խոսքը մեջբերում է gazetta.it-ը։

«Ինտերը» 50 միավորով երրորդն է, «Յուվենտուսը» 7-րդն է՝ 41 միավոր։

Հետևեք NEWS.am SPORT-ին Facebook-ում, Twitter և Telegram-ում