Ֆուտբոլի Հայաստանի հավաքականի նորեկ, Մոսկվայի «Լոկոմոտիվի» պաշտպան Նաիր Տիկնիզյանն ու ռուսական «Կրասնոդարի» կիսապաշտպան Էդուարդ Սպերցյանը միացել են ազգային թիմին։
Ուկրաինացի Ալեքսանդր Պետրակովի գլխավորած թիմը մարզական հավաք է անցկացնում ՀՖՖ Տեխնիկական կենտրոն/Ֆուտբոլի ակադեմիայում: Մարտի 19-ին հավաքականն անցկացրել է երկրորդ մարզումը։
Արդեն թիմին են միացել նաեւ Գեորգի Հարությունյանն ու Ժիրայր Շաղոյանը: Մարտի 20-ին, հավաքականի ճամբար կժամանեն նաեւ Լուկաս Սելարայանը, Վահան Բիչախչյանը, Սարգիս Ադամյանը, Հրանտ-Լեոն Ռանոսը, Անդրե Կալիսիրը և Խորեն Բայրամյանը, հաղորդում է ՀՖՖ-ի կայքը:
Մարտի 20-ին, ժամը 17:30-ին ՀՖՖ Տեխնիկական կենտրոն/Ֆուտբոլի ակադեմիայում կկայանա Հայաստանի ազգային հավաքականի բաց մարզումը:
Հայաստանի հավաքականը պատրաստվում է Թուրքիայի դեմ խաղին (մարտի 25) Եվրոպայի առաջնության խմբային մրցաշարի առաջին տուրում։
Մարտի 28-ին Հայաստանի հավաքականը ընկերական հանդիպում կանցկացնի Կիպրոսի թիմի հետ։
Դարպասապահներ
Ստանիսլավ Բուչնև - «Փյունիկ»
Արսեն Բեգլարյան - «Ուրարտու»
Արման Ներսեսյան - ԲԿՄԱ
Պաշտպաններ
Վարազդատ Հարոյան - «Անորտոսիս» (Կիպրոս)
Անդրե Կալիսիր - «Բրոմապոյկարնա» (Շվեդիա)
Կամո Հովհաննիսյան - «Աստանա» (Ղազախստան)
Նաիր Տիկնիզյան - «Լոկոմոտիվ» (Ռուսաստան)
Գեորգի Հարությունյան - «Կրասնոդար» (Ռուսաստան)
Տարոն Ոսկանյան - «Ալաշկերտ»
Ժիրայր Մարգարյան - «Ուրարտու»
Էրիկ Փիլոյան - «Ուրարտու»
Երջանիկ Ղուբասարյան - «Նոա»
Կիսապաշտպաններ
Էդուարդ Սպերցյան - «Կրասնոդար» (Ռուսաստան)
Խորեն Բայրամյան - «Ռոստով» (Ռուսաստան)
Լուկաս Սելարայան - «Քոլուբուս Քրյու» (ԱՄՆ)
Տիգրան Բարսեղյան - «Սլովան» (Սլովակիա)
Էդգար Բաբայան - «Ռանդերս» (Դանիա)
Ժիրայր Շաղոյան - ԲԿՄԱ Սոֆիա (Բուլղարիա)
Վահան Բիչախչյան - «Պոգոն» (Լեհաստան)
Դավիդ Դավիդյան - «Փյունիկ»
Ուգոչուկվու Իվու - «Ուրարտու»
Կարեն Մուրադյան - «Արարատ-Արմենիա»
Արթուր Սերոբյան - «Արարատ-Արմենիա»
Հարձակվողներ
Նորբերտո Բրիասկո Բալեկյան - «Բոկա Խունիորս» (Արգենտինա)
Սարգիս Ադամյան - «Քյոլն» (Գերմանիա)
Հրանտ-Լեոն Ռանոս - «Բավարիա» (Գերմանիա)
Հետևեք NEWS.am SPORT-ին Facebook-ում, Twitter և Telegram-ում