Իտալական «Ռոմայի» կիսապաշտպան Նիկոլո Ձանյոլոն համաձայնություն է տվել թուրքական «Գալաթասարայ» տեղափոխվելուն, հաղորդում է twitter.com/fabrizioromano-ն։ Այժմ ակումբները քննարկում են տրանսֆերի գինը, որը կարող է կազմել մոտ 22 միլիոն եվրո։
Թուրքական ակումբը 23-ամյա իտալացի ֆուտբոլիստին առաջարկել է 4,5 տարվա պայմանագիր, տարեկան 3 միլիոն եվրո աշխատավարձով։
Նիկոլո Ձանյոլոյի պայմանագիրը «Ռոմայի» հետ նախատեսված է մինչեւ 2024թ․ հունիս։
Ընթացիկ մրցաշրջանում Նիկոլո Ձանյոլոն «Ռոմայի» հետ բոլոր մրցաշարերում մասնակցել է 17 հանդիպման, խփել է 2 գոլ, կատարել 3 գոլային փոխանցում։ Նա լարված հարաբերություններ ունի հռոմեական թիմի պորտուգալացի գլխավոր մարզիչ Ժոզե Մոուրինյոյի հետ եւ դուրս է մնացել հայտացուցակից։
Հետևեք NEWS.am SPORT-ին Facebook-ում, Twitter և Telegram-ում