Ֆուտբոլի կանանց Հայաստանի ազգային հավաքականի նախկին ավագ Օլյա Օսիպյանը հեռացել է հավաքականից։
«Հարգելի ընկերներ,
միշտ հպարտությամբ եմ կրել ազգային հավաքականի շապիկը և ավագի թևկապը, սակայն այժմ ստիպված եմ ժամանակավոր դադարեցնել իմ ելույթները Հայաստանի կանանց ազգային հավաքականի կազմում:
Մասնավորապես, պետք է նշեմ, որ ազգային հավաքական հրավիրվում են ոչ թե սպորտային սկզբունքից ելնելով, այլ անձնական նկատառումներից և քմահաճույքից։
Այն, ինչ մենք ցանկանում էինք, մինիմալ հարգանքն էր մեր հանդեպ և՛ որպես մարզիկ, և՛ որպես մարդ։
Բոլոր իմ խաղընկերներին, ովքեր շարունակելու են իրենց ելույթները Ազգային հավաքականում, մաղթում եմ հաջողություն ու հաղթանակներ»,- գրել է Օլյա Օսիպյանը Ֆեյսբուքում։
Արտակ Ադամյանի գլխավորած թիմը հունվարի 21-29-ն անցկացրել է մարզական հավաք։ Օլյա Օսիպյանը հրավիրված չէր։ Փետրվարի 17-ին եւ 20-ին կանանց հավաքականը Երեւանում երկու ընկերական հանդիպում կանցկացնի Լիտվայի հավաքականի հետ։
Հետևեք NEWS.am SPORT-ին Facebook-ում, Twitter և Telegram-ում